ست الملك ،، اول رئيسة وزراء في مصر !
يرجع الفضل في التخلص من الخليفة الفاطمي الحاكم بأمر الله الى اخته ست الملك
الست كانت معذورة يا جماعة ، تخيلوا يعني ابن المجنونة اخوها ده كان بيقعد يطعن في شرفها ويتهمها انها بتاعة رجالة 
😂 وكان كل فترة يبعتلها شوية جواري من عنده عشان بكشفوا عليها 
😷،، لامؤاخذة يعني كشف عذرية 
👰
😂 وكان كل فترة يبعتلها شوية جواري من عنده عشان بكشفوا عليها 😷،، لامؤاخذة يعني كشف عذرية 👰
فكانت تكرمشلهم اللي فيه النصيب وتمشيهم ،،، ( الموضوع كده يقلق بصراحة 😂😂 )
😂😂 )
فقالت انا هستنى ايه تاني ده هيفضحني ويخلي سيرتي على كل لسان ، فقررت التخلص منه وارسلت للشيخ دوس شيخ العرب في القاهرة قالتله مش هتيجي قالها مش هروح 😂 ،، تعالي انتي 
😇
😇
فتنكرت في زي رجل وراحت ست الحته ، قصدي ست الملك ( مش بقولكم الست دي تقلق 
😉 )
😉 )
وكان الشيخ دوس مبيطقش الحاكم بأمر الله وحاسس انه هيقتله في يوم من الايام فأمتنع عن زيارته وحضور مجلسه لغاية ما الحاكم شافه صدفه وهو خارج من صلاة العيد .. ان ان آاااان تشششش ( موسيقى تصويرية ) 
😊
😊
_ انت بطلت تيجي تحضرنا في المجلس ليه يا شيخ العرب ؟
_ بصراحة كده انت محدش يطمنلك والعمر مش بعزقه
_ ليه كده بس ده انا حاكم كيوت وأعجبك
_ ماهو انت لو عايزني عشان تغدق عليا من خيراتك مكنش هيفرق معاك عدم حضوري بالعكس كده اوفرلك ، لكن لو عايزني عشان شر فسيبني اموت موتة ربنا وسط اهلي ع الاقل ألاقي حد يكفني انما انت هترميني لكلاب السكك ( عليا النعمة الجملة الاخيرة دي من الحوار زي ما كتبها المؤرخ بس انا كتبتها بالعامية وهو كتبها بالفصحى 😇 )
😇 )
وبعد ما عمل فيها سبع رجاله في بعض ، قعد في بيتهم خايف يطلع 
😅
😅
واتفقت ست الملك مع شيخ العرب على انه يقتل اخوها الخليفة الفاطمي في مقابل انها تساعده يبقى الوزير للخليفة اللي عليه الدور ، قالها طلبك عندي وجاب اتنين من العبيد السود الجامدين قدامها وحلفوا جميعا ع المصحف والخاين وابن الحرام ( الايمان بيشر منهم )
وكانت الخطة كالاتي : بسلامته كان متعود في ايام معينة يخرج على الحمار بتاعه هو وغلام من المسئولين عن الاسطبل وياخده هو بس ويطلع به ناحية القرافةويتوغلوا جوه ، ولو حصل صدفه وخرج معاه حارس ولا اتنين كان يوقفهم بره ويدخل هو والغلام جوه القرافة يتمشى بين المقابر ( اقسم بالله لو حد فيكم دماغه راحت لبعيد ما هقوله لأ .. ده ايه العائلة دي 
😈 )
😈 )
وجاءت الليلة الحاسمة ، الخلفاء الفاطميين كانوا يعشقون علم الفلك والتنجيم وكانوا يجيدونه بامتياز وده سبب تسمية مدينة القاهرة بهذا الاسم ودي كانت لها قصة طريفة هنبقى هنحكيها بعدين
المهم الخليفة الحاكم شاف في علم التنجيم ان الليلة دي ليلة مشئومة فقرر انه مينزلش ، وبعد شوية قال لأ انا هنزل ،، بس قبلها راح معدي على امه يودعها ،، لان ثقتهم في علم التنجيم كبيرة
_ امي انا جاي اودعك ، سامحيني يا امي لو كنت غلطت في حقك ، وفلوسك انا
هرجعهالك ، لو حصلي حاجة فيه تلتمية الف دينار انا شايلهم في القصر ،،،
_ مالك يابني انت سخن ولا ايه
_ يامه انا مش بخطرف ، اناشوفت في التنجيم اني لوخرجت احتمال كبير اني مش راجع !
_ ما تخليك يا كبد امك وبلاش تتنيل تخرج الليلة دي
_ والله فكره 😂
😂
ورجع لقصره وقرر انه مينزلش
بعد ساعة قرر انه ينزل
وراح هو والغلام استغفر الله العظيم القرافة وهناك طلعوا عليه العبيد ، مشوا الواد قالوله روح انت ، ومسكوا الخليفة وقالوله تعالى انت .. ودبحوه
🔪 ... وعشان يطمنوا انه مات راحوا فاتحين بطنه وطلعوا مصارينه بره 
💉( دكاتره يا ناس ايه الحلاوة دي 
👌)
🔪 ... وعشان يطمنوا انه مات راحوا فاتحين بطنه وطلعوا مصارينه بره 💉( دكاتره يا ناس ايه الحلاوة دي 👌)
واخدوا جثته لأخته ست الحته اللي راحت دفنته في جنينة القصر ،، وارسلت في طلب ابنه المنصور من الشام وبايعته بالخلافة ولانه كان طفل صغير فكانت هي الوصية عليه
وقتلت العبيد اللي قتلوا اخوها عشان سرها ما يتعرفش
وقتلت الشيخ دوس شيخ العرب لنفس السبب 
👅👅 ( عائلة واطية يا مان )
👅👅 ( عائلة واطية يا مان )
واصبحت هي الوزير وتولت المنصب لمدة اربع سنوات ظبطت فيهم امور الخلافة لغاية ما الخليفة الصغير كبر وراح قاتل عمته ست الملك ،( ست الحته ست الحته ست الحتااااه ،، وراحت ست الحته 
👣👣👣 )
👣👣👣 )
سيبونا من العائلة الواطية دي اصلا فيه بعض المؤرخين بيقولوا ان الحاكم بأمر الله راح حلوان يستطلع النجوم واختفى هناك وهيرجع اخر الزمان ،، طبعا عرفنا كده مين المؤرخين دول
المهم بقى حته صغيره ،، اهل القاهرة مرتاحوش بموته ،، كان قارفهم حي وميت
بسلامته كان لما يخرج يجيب صاحب الشرطة ويأمره بغلق ابواب مدينة القاهرة وميفتحهاش غير لما يرجع ،، 😂
😂
تلات ايام المصريين يدورا عليه راح في انهي داهية خدته عشان السيد حكمدار العاصمة يفتحلهم ابواب المدينة ،، فلم يجدوا له اثر واتعطلت مصالحهم لا عارفين يخرجوا من القاهرة ولا اللي جاي القاهرة عارف يدخلها ،، وفضلوا ع الحال ده لغاية ما جاء خليفة جديد
وهي دي حكاية ،،، ست الحته واخوها المجنون
